قلبي محروق على مصر..
عارفين؟؟.... شفت كلامكم و ساعتها حسيت اني محبوسة جوة صمتي.. حسيت اني منكم لكن انتوا ولا تعرفوني..
أنا بنت سودانية.. عرفت اني سودانية لما بقة عندي 12 أو 13 سنة... و حسيت اني سودانية لما طلعت من مصر و أنا عند 22 سنة و بدأت آخد بالي ان من ملامحي الناس بتعرف اني مش مصرية..
واتأكدت اني مصرية بقلبي و روحي برضه لما طلعت من .. لقيت دموعي بتنزل مني من غير أي سيطرة عشان لما شفت الضرب اللي حصل في اسكندرية عشان حكاية المسلمين و المسيحيين
ولقيت دمي بيغلي لما حد يعيب في أخلاق المصريين .. وأبقى شايفة ان عنده حق بس ببقى على وشك اني اصرخ في وشه..
من الآخر لقيت ان جواي حاجة كبييييرة قوي اسمها مصر في قلبي.. بتخليني ألعن الظروف اللي طلعتني منها ..
و انتوا بقى .. بتقولو و بتحسوا اللي حسيت بيه بعد مامشيت منها.. حسستوني اني مسجونة .. وان لما حريتي كانت في ايدي سبتها و اتشغلت عنها بحياه العادية البسيطة (لبس، خروج، صحاب، غدا، عشا)
حاجات.. كلنا عايشينها .. بس مش كلنا مستغنيين بيها عن اللي أكبر منها.. بصراحة غيرانة منكم.. و فرحانة بيكم.. و كان نفسي أكون زيكم ..و أحس بالكنز اللي جواي اللي اسمه ((مصر)) من غير ما أسافر.. أصلي مش عاجبني ان الغربة تكون صاحبة فضل على و تعرفني حقيقة حبّي لبلدي
ما أصل حبي لبلدي كان موجود جواي و متغطّي بهبالة..
عارفين .. أعرف ناس كتير قوى في مصر من اللي على لسانهم المقولات اليومية زي: (( ده احنا شعب متخلف،... ده بلد ما يعلم بيها الا ربنا،.. امتى بقى أطلع منها لأي حتة)) ايامها لما كنت وسطهم و ماعرفش حاجة عن الغربة و عمايلها.. كنت قوام أقول لنفسي.. ياااه قد ايه الناس ده قاسية على مصر وأنانيين في احساسهم تجاهها.. بس دلوقت؟؟ أنا متأكده ان كل واحد من دول لما يطلع منها.. ويلاقي بعده عنها بياكل من قلبه كل يوم... و يلاقى مناخيره هاتموت على ريحة سوق الخضار فيوم شتى و الأرض مبلولة زي مايكون مدمن و خلاص الجرعة طلبت
و لما .................. حاجات كتييييييير هاتفاجئه..وحا يآمن ساعتها ان اللي مايعرفش بيقول عدس
أنا صعبان عليّ مصر.. صعبانة عليّ مننا و من اللي بيحصل فيها .. وخايفة ومرعوبة ونفسي أرجع و استمتع بحبها اللي اكتشفته لما مشيت.. و اعيشه بقى زيكم .. وأعمل حاجة تحسسني اني بتأسفلها على الغيبوبة اللي كنت فيها و أنا فحضنها..
و الله انتوا ناس جامدة و بتوجعولي قلبي
عارفين؟؟.... شفت كلامكم و ساعتها حسيت اني محبوسة جوة صمتي.. حسيت اني منكم لكن انتوا ولا تعرفوني..
أنا بنت سودانية.. عرفت اني سودانية لما بقة عندي 12 أو 13 سنة... و حسيت اني سودانية لما طلعت من مصر و أنا عند 22 سنة و بدأت آخد بالي ان من ملامحي الناس بتعرف اني مش مصرية..
واتأكدت اني مصرية بقلبي و روحي برضه لما طلعت من .. لقيت دموعي بتنزل مني من غير أي سيطرة عشان لما شفت الضرب اللي حصل في اسكندرية عشان حكاية المسلمين و المسيحيين
ولقيت دمي بيغلي لما حد يعيب في أخلاق المصريين .. وأبقى شايفة ان عنده حق بس ببقى على وشك اني اصرخ في وشه..
من الآخر لقيت ان جواي حاجة كبييييرة قوي اسمها مصر في قلبي.. بتخليني ألعن الظروف اللي طلعتني منها ..
و انتوا بقى .. بتقولو و بتحسوا اللي حسيت بيه بعد مامشيت منها.. حسستوني اني مسجونة .. وان لما حريتي كانت في ايدي سبتها و اتشغلت عنها بحياه العادية البسيطة (لبس، خروج، صحاب، غدا، عشا)
حاجات.. كلنا عايشينها .. بس مش كلنا مستغنيين بيها عن اللي أكبر منها.. بصراحة غيرانة منكم.. و فرحانة بيكم.. و كان نفسي أكون زيكم ..و أحس بالكنز اللي جواي اللي اسمه ((مصر)) من غير ما أسافر.. أصلي مش عاجبني ان الغربة تكون صاحبة فضل على و تعرفني حقيقة حبّي لبلدي
ما أصل حبي لبلدي كان موجود جواي و متغطّي بهبالة..
عارفين .. أعرف ناس كتير قوى في مصر من اللي على لسانهم المقولات اليومية زي: (( ده احنا شعب متخلف،... ده بلد ما يعلم بيها الا ربنا،.. امتى بقى أطلع منها لأي حتة)) ايامها لما كنت وسطهم و ماعرفش حاجة عن الغربة و عمايلها.. كنت قوام أقول لنفسي.. ياااه قد ايه الناس ده قاسية على مصر وأنانيين في احساسهم تجاهها.. بس دلوقت؟؟ أنا متأكده ان كل واحد من دول لما يطلع منها.. ويلاقي بعده عنها بياكل من قلبه كل يوم... و يلاقى مناخيره هاتموت على ريحة سوق الخضار فيوم شتى و الأرض مبلولة زي مايكون مدمن و خلاص الجرعة طلبت
و لما .................. حاجات كتييييييير هاتفاجئه..وحا يآمن ساعتها ان اللي مايعرفش بيقول عدس
أنا صعبان عليّ مصر.. صعبانة عليّ مننا و من اللي بيحصل فيها .. وخايفة ومرعوبة ونفسي أرجع و استمتع بحبها اللي اكتشفته لما مشيت.. و اعيشه بقى زيكم .. وأعمل حاجة تحسسني اني بتأسفلها على الغيبوبة اللي كنت فيها و أنا فحضنها..
و الله انتوا ناس جامدة و بتوجعولي قلبي
2 comments:
فى الحقيقه دى اول مره ادخل فيها المدونه واحب احييكى عليها وعلى المواضوعات الجميله اللى بتكتبيها
على فكره احنا كمان المصريين قلبنا محروق اوى من جوانا على مصر وعارفين اننا لما بنشتمها ونلعن سلسشافينها بنرجع لها تانى ولا كانه كان فى حاجه لان احنا كده لما بنتضايق من حاجه مش بنشوف حاجه قدامنا لكن لما مصر بتحتجلنا بتلاقينا واقفين كلنا مع بعض وقفة رجل واحد زى ما بيقولوا وسيبك من شووية الدوشه والخنقات السياسيه اللى بتحصل فى مصر اليومين دول لانه ده مش دليل على اننا مش بنحب مصر اصل هى دى السياسه خلافات فى الاراء وناس مدسوسه بينا بتحب توقع الاطراف فى بعضها وكده يعنى
لأ ماتكلمنيش على اني مش مصرية ):
"بتقول احنا كمان المصريين قلبنا محروق عليها".. بس أنا بتكلم على اني من ضمن (( احنا مش براهم))
مش عارفة ده عدم انتماء مني ولاّ ايه.. بس الواحد غصب عنه.. اتولدت و عشت فيها و معنديش أهل بره مصر و محدش في عيلتي يعرف يتكلم غير اللهجة الاسكندراني مهما حاول.. و من زماااان و بابا بيحكيلي عن عبدالناصر و اللي غيره في مصر و عن اعجابه بيه و كنت بشوف بابا وهو بيدمع وقت مابيحكي عن ذكريات عبد الناصر و السادات..
مينفعش بعد كل ده أحس بأي انتماء غير ليها.. و بغير جدا لو حد اتكلم عن انه مصري و أنا لأ
و على فكرة .. أنا شايفة ان المشاكل السياسية اللي حاصلة دلوقت هي اللي بينت قد ايه الناس بتحب بلدها
يعني من كام يوم شفت في برنامج واحد غلبان جدا يمكن أقصى همه هايأكل عياله ازاي.. بس تشوف حرقة دمه على حكاية الدم الفاسد و الحكومة الفاسدة تستغرب .. و الله يفرح
Post a Comment